DCMS Committee tae luik at health an future o minority leids

• NEW INQUIRY: Minority leids
• Digital, Culture, Media an Sport Committee

MPs will tak tent o the key factors ahint whether a minority leids thrives or no, whit the criteria should be for determinin offeecial status, and gin there’s lessons tae be lairnt frae ither countries whaur there’s braid fluency in mair as yin leid.

Terms o reference

The DCMS Committee is luikin for scrieved evidence on the follaein speirins by 10th March 2023.

1. Whit are the key factors ahint whether an indigenous minority leid thrives or no?
2. Whit lessons can be lairnt frae countries whase fowk hae wun tae braid fluency in baith a majority an indigenous minority leid?
3. Whit should be the criteria for deemin gin a minority leid should be gien offeecial status?
4. Whit pairt should the UK Government play in uphaudin an forderin indigenous minority leids?

Scrieved evidence can be submittit in a minority leid but maun come alang wi an English owersettin.

Rt Hon Damian Green MP, DCMS Committee Actin Chair, said:

“Traivelers takkin a raik roond the British Isles a few hunner years syne wad hae lugged intae a fouthie feck o leids an byleids frae Norn in the faur north tae Cornish in the sooth west. Sin syne we’ve turnt mair an mair monoglot, but the Scots, Scots Gaelic, Irish, Welsh, Ulster Scots an Cornish leids stey important pairts o regional culture, wi ithers sic as Cornish gangin throu a process o revival. Oor inquiry will luik at how oor minority leids are daein, whether they can thole in a warld dominatit by English an whit pairt the Government should play in their forderin an uphaudin.”

Further information

• About Parliament: Select committees
• Visiting Parliament: Watch committees

Image: Parliamentary copyright