Penodi aelodau'r Pwyllgor Materion Cymreig
30 October 2024
Mae Tŷ'r Cyffredin wedi penodi’n ffurfiol aelodau’r Pwyllgor Materion Cymreig.
Mae gan bob plaid ei phrosesau mewnol ei hun ar gyfer enwi ei henwebiadau i lenwi ei seddau ar bwyllgorau. Cytunwyd ar enwebeion unigol a gyflwynwyd gan bleidiau gwleidyddol yn Nhŷ'r Cyffredin, yn dilyn cyfarfod y Pwyllgor Dethol. Mae rhai pwyllgorau'n dal i gynnwys un neu ddwy swydd wag y disgwylir iddynt gael eu llenwi cyn bo hir.
Mae dyraniadau seddau’r pleidiau ar draws ac o fewn pwyllgorau yn cyfateb i nifer yr Aelodau Seneddol a etholwyd i Dŷ'r Cyffredin yn yr etholiad cyffredinol, gyda'r union nifer yn cael ei drafod gan chwipiaid y pleidiau drwy'r Pwyllgor Dethol.
Cafodd Ruth Jones ei hethol yn ddiwrthwynebiad fel Cadeirydd y Pwyllgor Materion Cymreig gan bob aelod o Dŷ'r Cyffredin ym mis Medi.
Bydd manylion cyfarfodydd a blaenraglen y Pwyllgor yn cael eu cyhoeddi maes o law.
Mae'r Aelodau Seneddol canlynol wedi'u penodi:
Enw |
Plaid |
Ruth Jones [Cadeirydd] |
Llafur |
David Chadwick |
Democratiaid Rhyddfrydol |
Ann Davies |
Plaid Cymru |
Chris Evans |
Llafur |
Claire Hughes |
Llafur |
Llinos Medi |
Plaid Cymru |
Andrew Ranger |
Llafur |
Henry Tufnell |
Llafur |
Steve Witherden |
Llafur |
Gwybodaeth bellach
Cydnabyddiaeth am y ddelwedd: Tŷ'r Cyffredin